მიწების უცხო ქვეყნის მოქალაქეებზე გასხვისება მიუღებელია

ვაჟა ოთარაშვილი “პატრიოტთა ალიანსი”, : “იმ დროს, როდესაც ქართული მიწები მასობრივად იყიდება უცხოელებზე, ნახევარი საუდის არაბეთი უკვე საქართველოშია ჩამოსახლებული, როცა თბილისის გარშემო, ხმამაღლა ვაცხადებ, ტერიტორიების ნახევარზე მეტი უცხოელების ხელშია,... მსგავსს ვერ ნახავთ ამიერკავკასიაში, ვერც ერევანში, ვერც ბაქოში და სხვა თურქეთზე ლაპარაკი ზედმეტია”

მიგრანტების წინააღმდეგ

ილია ჩაჩიბაია, ობიექტივის წამყვანი: “ჩვენ ვნახეთ ძალიან ბევრი უცხოელი, ქუჩაში ყველა ვმოძრაობთ და ყოველი მესამე ან უკრაინელია, ან რუსია ან ბელარუსია, აჭარაში ყოველი მეორე ლამის უკვე თურქია და მარჯანიშვილზე რა ხდება ესეც ვიცით, რო იქ ირანის მოქალაქეები უფრო მეტნი არიან ჩვენთან შედარებით.” 

გიორგი ქარდავა, კონსერვატიული მოძრაობა: ‘’რატომ არის ასეთი უცნაური რეალობა, როდესაც ინგლისის პრემიერმინისტრი არის ინდუსი, აგერ საგარეო საქმეთა მინისტრი სიერალეონელი, ლონდონის მერი არის პაკისტანელი, ანუ აშია საქმე, ერთი გამაგებინეთ რა ლიბერალებო, რანაირი ქვეყნის წარმომადგენლებს ვუსმენთ ჩვენ?…მე არანაირი პრობლემა არ მაქვს ამ ადამიანებთან, მარა იმ ცივილიზაციის წარმომადგენელი, რომელიც თავის თავს გენოციდს უტარებს, თავის აბორიგენ მოსახლეობას აქრობს და რაღაცა მულტი კულტურულ რაღაცა სიგიჟეს, რომელიც თან არც მუშაობს რო იცოდეთ, დომხალია ამის შედეგად იქ… ინგლისელს ვერც იპოვი. ხოდა, რანაირად ხდება ეს და რანაირად უნდა მოუსმინო, რატო უნდა დაგარიგოს ჭკუა იმ ქვეყნის წარმომადგენელმა, რომელიც ამას საკუთარ ქვეყანაში აკეთებს და მისი ქვეყანა ამის შედეგად ქრება?…ლონდონის მოსახლეობის უმრავლესობა არ არის ინგლისელი.’’ 

არმენოფობიული განცხადებები 7-8 მარტის აქციების დროს დაკავებული, ლაზარე გრიგორიადისს ეხებოდა. ტრადიციულ მედიასთან ერთად, სოციალურ ქსელში გაკეთებული არმენოფობიული განცხადებები ავრცელებდა ინფორმაციას,  თითქოს ლაზარე გრიგორიადისს გვარი აქვს შეცვლილი. დაკავებულ აქტივისტზე ქსენოფობიური შინაარსის განცხადებები   მითების დეტექტორის სტატიაშია ხელმისაწვდომი.

სომხური იდენტობის ნეგატიურ კონტექსტში წარმოჩენა

თურქოფობიური განცხადებების უმეტესობა, როგორც წინა წლებში, ახლაც თურქეთს ისტორიულ ოკუპანტად წარმოაჩენდა და ქმნიდა დიქოტომიას რუსეთის ამჟამინდელ ოკუპაციასთან. აღსანიშნავია, რომ “ისლამოფობიური განცხადებების ფონზე, საქართველოსა და რუსეთის ერთმორწმუნეობას ესმებოდა ხაზი.

თურქეთი საქართველოს ისტორიული მტერია

დავით ლორთქიფანიძე, ზნეობა: “თურქეთს აქვს საქართველოს ⅓ წაღებული. ყბადაღებული თემა არის სომხების გენოციდი, არანაკლები აქვთ გაკეთებული [თურქებს ქართველებისთვის], ბუკვალურად მილიონზე მეტი კაცი ჰყავთ გაწყვეტილი და გადასახლებული, იგივე ბურსაში ჰყავთ გადასახლებული ძალიან ბევრი, აყარეს პირდაპირ. შეიძლება თავისუფლად ითქვა, რომ თურქეთი არის საქართველოს გენეტიკური მტერი, იმიტომ რომ, თავისი არსებობის დასაბამიდან დღემდე ის ებრძვის საქართველოს, არ ყოფილა ეპოქა, რომ ეს ბრძოლა არ ყოფილიყო. მეტსაც გეტყვით, დღეს ჩვენ ბათუმი და აჭარა რაღაცა დონით გვაქვს დაკარგული, ეკონომიკური კუთხით მაინც დაკარგული გვაქვს და ეს ძალიან მნიშვნელოვანია.”

ნიკოლოზ მჟავანაძე, სეზონი ტვ. წამყვანი: „აღმაშენებელი, რომელმაც ეს თურქ-სელჩუკთა რაზმი დაამარცხა, აღმაშენებელი იქცა თურქ-სელჩუკების ახალ თავშესაფრად... აღმაშენებელზე რომ გაივლი, ეს უკვე აღარ არის საქართველო, ეს თურქ-სელჩუკთა რაღაცა ახალი ტერიტორიაა..“

თუ რუსეთია ოკუპანტი, თურქეთიც ოკუპანტია

დავით თარხან-მოურავი, პატრიოტთა ალიანსი: „არანაირი დაპირისპირება არ გვსურს არავისთან სამეზობლოში, მათ შორის, რუსეთთან. კი, გასაგებია, ტერიტორიული პრობლემები გვაქვს, ჩვენი ტერიტორიები წაღებული აქვს და ეს ჩვენთვის დიდი დარტყმაა, მაგრამ თურქეთსაც წაღებული აქვს ჩვენი ტერიტორიები და ესეც დიდი დარტყმაა და ამაზე თვალს ვხუჭავთ, ხმას არ ვიღებთ საერთოდ. ჩვენ გვინდა ეკონომიკური თანამშრომლობა რუსეთთან, თურქეთთან, აზერბაიჯანთან, სომხეთთან. აზერბაიჯანს არა აქვს ეხლა დავით გარეჯი წაღებული?.“

ნიკოლოზ მჟავანაძე, სეზონი ტვ-ს წამყვანი: “თამაში მიმდინარეობს ამ წუთებში საქართველოსა და ნორვეგიას შორის და სტადიონზე ყვირიან პუტინ ხუილოო. მაინტერესებს რატომ არ ყვირიან იგივეს, მაგალითად ერდოღანის მიმართ, თურქეთის მიმართ. თურქეთს საქართველოს ტერიტორიები ანექსირებული აქვს და თურქეთმა გაატყავა ქართველები. ეს უტვინო ბავშვები, რომლებიც ამას ყვირიან, იმას კი ვერ ხვდებიან, რომ ამ ყვირილით შეიძლება პირიქით ქვეყანამ ის ტერიტორიები, აფხაზეთი და სამაჩაბლო დაკარგოს საერთოდ.”

ერთმორწმუნე  რუსეთი vs თურქეთი

ზაზა დავითაია, “ასავალ დასავალი” ჟურნალისტი: “[რუსეთი საქართველოსთვის] იქნებ მეგობრად გადაიქცეს, იქნებ ოდესმე კიდევ დადგეს ისეთი დრო, როდესაც რუსმა და ქართველმა თავისი ეროვნული და სარწმუნოებრივი თვითმყოფადობისთვის მხარდამხარ იბრძოლონ. ყოველ შემთხვევაში ამისი უფრო მეტი ალბათობა არის, ვიდრე თურქის მხარდამხარ რომ იბრძოლოს ქართველმა. თუმცა არც ეს არ არის გამორიცხული.”

რელიგიური ნიშნით დისკრიმინაცია ისლამის და არადომინანტი ჯგუფების წინააღმდეგ იყო მიმართული. ეს უკანასკნელები სექტებად იყვნენ წარმოჩენილი და პოლიტიკურ დღის წესრიგთან გაიგივებული.

არადომინანტი კონფესიები სექტები არიან, რომლებსაც პოლიტიკური დღის წესრიგი აქვთ

ისლამოფობია

ნიკოლოზ მჟავანაძე, სეზონი ტვ. წამყვანი: “ჩვენ როდესაც ვსაუბრობთ, რომ ვინ უნდა იყოს ჩვენი მეგობარი, მეგობარი შენი ვერ იქნება ის ქვეყანა, რომელიც ორიენტირებულია იმაზე, რომ გაგამუსლიმანოს, რჯული შეგიცვალოს, გაგატყავოს, თუკი არ დანებდები და რომ იყო ისეთივე როგორც ხარ, ვერ იქნება ეს ქვეყანა შენი მეგობარი. როგორც ეხლა გარეულ ცხოველსა და ადამიანს შორის არ შეიძლება იყოს ურთიერთობა, იმიტომ რომ შენც შეგჭამს, გადაგყლაპავს, ისე არის, თუკი რაღაცა დისტანცირებული ურთიერთობა არ გექნება და ბარიერი არ გექნება, ასევეა თურქეთი.”

სექსისტური სიძულვილის ენის შემცველი განცხადებები 7-8 მარტის საპროტესტო აქციებთან იყო დაკავშირებული და სხვადასხვა ნიშნით თავს იმ ქალებს ესხმოდა, რომლებიც აქციის მონაწილეებს სოლიდარობას უცხადებდნენ.

 მორალური კრიტერიუმით თავდასხმა

ნიკოლოზ მჟავანაძე, სეზონი ტვ.-ს წამყვანი: “სალომე ზურაბიშვილი დღეს პრეზიდენტის რეზიდენციაში კი არა, როენას ბორდელში უნდა მუშაობდეს, რა. ეს ქალი უნდა იყოს ბორდელში, იმიტომ რომ სულიერად და ხორციელად ეგ არის მეძავი. ქალი, რომელიც სახელმწიფო გადატრიალება მიდის, ქვეყანას ამხობენ, მოლოტოვის კოქტეილები ცვივა და ეს ეუბნება ხალხს, რომ მე თქვენ გვერდით ვარო, იმათ ეუბნება, ქვეყნის დამაქცევარებს. ეს არარაობა. ქალი, რომელიც როგორც საკუთარ ყურებს, ისე ვერ იხილავდა პრეზიდენტის სავარძელს, ამ ქართულმა ოცნებამ ჩასვა იქა და ეს ნაძირალა რეებს აკეთებს.”

გონებრივი შესაძლებლობების ნიშნით შეურაცხყოფა

ელიზბარ ჯაველიძე, სახალხო კრება: „სალომე ზურაბაშვილის პრეზიდენტად არჩევა არის ერთ-ერთი ყველაზე მძიმე შეცდომა... ამ უზნეო და უჭკუო დედაკაცის პრეზიდენტად არჩევა არ შეიძლებოდა, რადგან მას ქართულისა და ეროვნულის არაფერი სცხია, არანაირი სულიერი და ემოციური კავშირი ამ ქვეყანასთან არ გააჩნია!“

გარეგნული ნიშნით დისკრიმინაცია

ასავალ-დასავალი, 20 – 26 მარტი
ჯამბულ გამცემლიძე, მოქალაქე: „ქვაზე დახატული ეშმაკი - კელი დეგნანი იქნება თუ ნებისმიერი სხვა, ვინც ჩემს სამშობლოს სიკეთეს არ უქადის და მკვლელებისა და მწამებლების მხარეს იჭერს, ყველა მეჯავრება და მეზიზღება!“.

გენდერული სტერეოტიპებით გაკიცხვა

ანტიდასავლური გზავნილები დასავლეთის დაფინანსებას ჰომოსექსუალობის, გარყვნილების ხელშემწყობად წარმოაჩენდა და თავსმოხვეულ უცხო ღირებულებებზე აკეთებდა აქცენტს. ამასთანავე მკვიდრდებოდა დიქოტომია, რომ მართლმადიდებელი რუსეთი ებრძვის ჰომოსექსუალობას, ხოლო დასავლეთი თავს გვახვევს გარყვნილი ცხოვრების წესს.

მართლმადიდებელი რუსეთი გვიცავს გარყვნილებისგან, მაშინ, როცა ამერიკა/კათოლიკური ეკლესია თავს გვახვევს ჰომოსექსუალობას

ნიკოლოზ მჟავანაძე, სეზონი ტვ.-ს წამყვანი: „ან უნდა აირჩიო ეს სოდომიის გზა, ან უნდა აირჩიო ის ქრისტეს გზა და ეკლესიის გზა, რომელსაც ვინმეს უნდა, არ უნდა, რუსეთი რომ არა, დღეს ეს გზაც კი არ იქნებოდა ასპარეზზე იმიტომ, რომ ერთადერთი ვინც აღუდგა ამ ყველაფერს, არის რუსეთი, რომელმაც მიიღო კანონი ამ გახრწნილების და აი, ამ ლგბტ პროპაგანდის წინააღმდეგ და რუსეთია ერთადერთი ქვეყანა, რომელიც წინ აღუდგა იმ კათოლიკური ეკლესიის გარკვეულ მიხვრა-მოხვრა ინიციატივებს, რომელიც ითვალისწინებდა ერთი და იმავე სქესის მქონე ადამიანების ქორწინებასთან დაკავშირებით. რომ არა რუსეთი, დღეს კათოლიკური ეკლესია და რომის პაპი, რომელიც არის ამერიკის მორჩილი, ის მიიღებდა ამ გადაწყვეტილებას."

დასავლეთის დაფინანსება ეკლესიასთან ბრძოლას/ჰომოსექსუალობის პოპულარიზაციას ხმარდება

გიორგი რაზმაძე, სასულიერო პირი: “ის თანხები, რასაც გვაყვედრიან ჩვენი მოკავშირეები … ხმარდებათ ამ ჭინკებს, რომლებიც დარბიან და პედოფილიას, მამათმავლობას, დედათმავლობას, გახრწნილ ცხოვრებას ასწავლიან და ქართულ სულიერებას ებრძვიან. ამიტომ არის, რომ დღეს ყველაზე მეტი ბრძოლა ქართულ ეკლესიასთან დაიწყეს.” 

თანამედროვე  დასავლეთი, ლგბტქი იდეოლოგიის პროპაგანდას ეწევა

ირაკლი მარტინენკო, კონსერვატიული მოძრაობა: “ადრე ასეთი კი არ იყო დასავლეთი, ადრე იქაც ბრძოლისუნარიანი ხალხი იყო და ჩვეულებრივი ოჯახები ჰყავდათ და ჩვეულებრივი ტრადიციული ხალხი იყო იქაც, მარა იმდენად მოხერხებადია ეს, [ლგბტქ+] პროპაგანდას იმხელა ძალა აქვს, რო საქართველოშიც კი ძაან შეტოპილია მაგ თვალსაზრისით”. 

ვალერი კვარაცხელია, ავტორი: ქართულ საზოგადოებრივ ცნობიერებაში დასავლეთის პოლიტიკური ფენომენი უკვე გაბახებულია. ხაზს ვუსვამ – პოლიტიკური ფენომენი. რაც შეეხება დასავლურ (ევროპულ) კულტურას – მეცნიერებას, ხელოვნებას, მწერლობას, ფილოსოფიას,  ეს სხვა ფენომენი და სხვა სამყაროა, რომელმაც, სამწუხაროდ, ჯერ კიდევ მეოცე საუკუნის პოლიტიკაში უცნაური ტრანსფორმაცია განიცადა და ფაშიზმი შვა, ოცდამეერთე საუკუნეში კი, ერთი მხრივ, ადამიანის უფლებათა დაცვა თვითმიზნურ მარაზმად გადააქცია და სოდომური ცოდვისა და გარყვნილების მორევში გადაეშვა;  მეორე მხრივ კი, ნეოფაშიზმის ახალი ტალღა წარმოშვა."

დავით ზირაქიშვილი, კონსტიტუციის მე-5 მუხლის დაცვის ლიგა: ‘’ამერიკამ ფაქტიურად მოგვიწამლა ახალგაზრდობა, უფასო ნარკოტიკებით, აღვირახსნილი სექსუალური ურთიერთობებით, ამ ლგბტ პროპაგანდით და აგერ ვნახეთ წეღან ის დაკავებული პიროვნება, რომელიც დააკავეს ამ პოლიციელებისთვის ცეცხლის წაკიდებისთვის. შეხედეთ მის პიროვნებას, ეს არის სუფთა სატანისტი.‘’ 

მონიტორინგის მეთოდოლოგია ხელმისაწვდომია “არა ფობიას!” ვებ-გვერდზე: http://www.notophobia.ge