შოთა მარტინენკო, კონსერვატიული მოძრაობა: „დღეს მაგალითად მოსკოვი არის ძალიან კომფორტული, ძალიან განვითარებული ქალაქი. აი, ევროპის ყველაზე განვითარებული ქალაქები რომ არის, მასეთი დონის კეთილმოწყობილი, კომფორტული, განვითარებული ქალაქი, ოღონდ მინუს საიმიგრაციო საგიჟეთი, რომელმაც იქაურობა გადააქცია, ევროპული ქალაქები გადააქცია სანაგვის ყუთებად და გეტოებია და მაგის საფუზველზე არსებობს სახიფათო აგრესული ხალხით სავსე უბნები და კრიმინალით სავსე უბნები.“

მიგრანტებზე მიწების გასხვისება მიუღებელია, მათი საქართველოში დასახლება, დემოგრაფიული საფრთხეს ქმნის  

ირმა ცხორაგაული, პატრიოტთა ალიანსი: „თუ ასე გაგრძელდა ეს მიგრაცია და თუ ამდენი ხალხი ჩამოგვივიდა, ხო, მერწმუნეთ, რომ 10 წელიწადში ქართველი ადამიანის პოვნა ძალიან რთული იქნება.“

მალხაზ თოფურია, პატრიოტთა ალიანსი: „მივიღეთ რამდენიმე ათასი, არ ვიცი ახლა ზუსტი სტატისტიკა არა მაქვს, ძირძველი მოსახლეობის გასვლა ქვეყნიდან, მივიღეთ ათასობით უცხო ქვეყნის წარმომადგენლის შემოსვლა და დასახლება ამ ქვეყანაში. მივიღეთ სიკვდილიანობისა და მივიღეთ შობადობის კლება...“

ნიკოლოზ მჟავანაძე, სეზონი ტვ-ს წამყვანი: „ისე მიდის საქმე, რომ საქართველოში ქართველებისთვის აღარ დარჩება მიწა და საქართველო ქართველების გარეშე ნელ-ნელა რეალური ხდება იმიტომ, რომ ამ ქვეყანაზე შენდება და შენდება არაბული, ირანული, ინდური, რა ვიცი, მე დასახლებები და ჩვენ კარგად ვიცით როგორი დემოგრაფიული მდგომარეობა აქვთ მათ, 10-10 და 15-15 ცოლი ყავს თითოს და ცოტა ხანში ესენი იქნებიან უმრავლესობაში და ჩვენ კიდე გავრბივართ უცხოეთში სამუშაოდ და საქართველოდან ქართველები გადიან, უცხოელები მოდიან“. 

კახა ძაგანია, მემარცხენე ალიანსი: „ეხლა დედაქალაქში ირანელები, რუსები, უკრაინელები, ანუ ჩამოსულების ჰეგემონია არი ვიდრე აი, ჩვენი, ამ ქვეყნის მოქალაქეების და ამიტომ, ის პარტია, რომელიც ამ ჰეგემონიას დაძლევს ხო, ჩამოსულთა ჰეგემონიას რაღაცნაირად დააბალანსებს ხო, თუნდაც, ცოტა ისეთი იმეებით, ალბათ ძაან პოპულარული იქნება. ყოველ შემთხვევაში მე ამას ვაპირებ შემდეგ არჩევნებზე“.

სავიზო პოლიტიკა ღარიბი და იდეოლოგიურად განსხვავაბული ქვეყნების მიმართ უნდა გამკაცრდეს 

გიორგი ქარდავა, ალტ-ანალიტიკის წამყვანი: „უცხოელი მოქალაქეების ჩასახლების ძალიან წინააღმდეგები ვართ, ზოგადად ჩვენ უნდა გვქონდეს მთელ რიგ ქვეყნებთან მკაცრი სავიზო რეჟიმი. პირველ რიგში, ეს ეხება ღარიბ, კულტურულად იდეოლოგიურად და სხვა თვალსაზრისით ჩვენგან არაახლოს მყოფ სახელმწიფოებზეა საუბარი - აზიის, აფრიკის, რადგან მათი აქ ჩამოსახლება და გამრავლება ჰუმანიტარული თვალსაზრისით, უსაფრთხოების თვალსაზრისით, არაფერ სიკეთეს არ მოგვიტანს"

უცხო ქვეყნის მოქალაქეებზე მიწების გასხვისება ტერიტორიულ მთლიანობას უქმნის საფრთხეს

ალექსანდრე ფალავანდიშვილი, ზნეობა: „რაც შეეხება ზოგადად მიწის გასხვისებას.... ხშირად ამბობენ, რომ რატომ კონკრეტულად არაბებზე ამახვილებთ ყურადღებას, რატომ ირანელებზე, თურქებზე? ჩვენ თავი ხომ არ უნდა მოვიტყუოთ, ჩვენ ჩვენი გეოპოლიტიკა გვაქვს, ჩვენი ისტორიული მდგომარეობა გვაქვს. ჩვენ ვიცით, რომ ამ ქვეყნებს გაცხადებულად აქვთ თავიანთი ინტერესის სფეროდ საქართველო გამოცხადებული. იგივე თურქეთს პრეზიდენტის დონეზე აქვს ნასაუბრალი, ირანის ერთ-ერთმა მინისტრმა ისაუბრა, რომ... ისინი საქართველოს განიხილავენ საკუთარი ქვეყნის ნაწილად. ამიტომ ჩვენ მეტად როცა ისინი ყიდულობენ, გვეშინია. “

ნოებრის თვეში ისლამოფობიური განცხადებები აზერბაიჯანელი აქტივისტის, სამირა ბაირამოვას მიერ საქართველოს პარლამენტში მეჩეთების მშენებლობის შესახებ გაკეთებულ განცხადებას უკავშირდებოდა და მას ეთნო-რელიგიური კონფლიქტის გაღვავებასა და ანტისახელმწიფოებრივ ქმედებებში ადანაშაულებდა, ნაწილი მუსლიმური ქვეყნების მსგავსად, ქრისტიანობის, როგორც ქართული იდენტობის ნაწილის, სახელმწიფო დონეზე დაცვას მოითხოვდა, რიგ შემთხვევეში კი  ისლამური სამყაროს საფრთხისგან, ქრისტიანობის ერთადერთ დამცველად, რუსეთი იყო წარმოჩენილი.

ნიკოლოზ მჟავანაძე,  სეზონი ტვ-ს წამყვანი: „გაიგეთ თქვენ რა თქვა ამ ქალბატონმა?! ეთნო-რელიგიური კონფლიქტები მოხდებაო, თუკი არ აშენდებაო [მეჩეთი]. უარესის ღირსი არის ჩვენი ხელისუფლება სულ, რომ დედას გვაგინებდეს სამირა ბაირამოვა... და რატომ? აი, ამ ქალბატონმა და მისმა დამქაშებმა იმ მეუფე გიორგის, რომელიც ერთ-ერთი ნათელი წერტილია იმ რეგიონში შეუწყვიტა დაფინანსება სასამართლოში შეტანილი სარჩელის შედეგად, ასევე ამ ქალბატონმა მოახდინა იქ, რომ უამრავი ანტისახელმწიფოებრივი ქმედება ჩაიდინა, ამის შესახებ არა ერთხელ მივმართე პროკურატურას ... და აი, როცა ადამაინს არ დასჯი აი, ამას გაგიკეთებს და ხვალ და ზეგ არ გამიკვირდება, რომ მოითხოვოს ის, რომ ეს ტერიტორია არ არის ქართულიო... ეს ქალბატონი, რატომ არ ზის ციხეში?“

ალექსანდრე ფალავანდიშვილი, ზნეობა: „სამირა ბაირამოვა, გარდა იმისა, რომ არის ექსტრემისტი, ეთნოკონფლიქტების გაღვივებაზე ქვეყნის შემშინებელი და ამაზე წამსვლელი, ამასთანავე ის არის ჩვენი კარგი ნაცნობის ბაია პატარაიას ფემინისტი მეგობარი. ე.ი. ეს ადამიანი ახერხებს, თან იყოს ისლამისტი აქტივისტი და ამავე დროულად იყოს ლგბტ ენჯეოშნიკი.  ჩვენ გვახსოვს მისი აქტივობა ერთ-ერთი, როდესაც სამირა ბაირამოვამ, თუ არ ვცდები ეს იყო ალტ-ინფოს ოფისი, პირდაპირ ჯვარი გადაჯღაპნა პულივიზატორით... ე.ი. ეს ადამიანი აი, ასეთ რაღაცეებს კადრულობს, პირდაპირ გამომწვევად იქცევა და იმის გამო, რომ მას გარე ძალების მხარდაჭერა აქვს, დასავლეთის მხარდაჭერა აქვს, ისლამური სამყაროს მხარდაჭერა აქვს, მას ჩვენი მთავრობა, სამწუხაროდ ხელს ვერ კიდებს.“

 ალექსანდრე ფალავანდიშვილი, ზნეობა: “ეს ვიცით ჩვენ რა ხალხი არიან, ეხლა წარმოდიგინეთ რა, აზერბაიჯანელები სადაც ცხოვობენ ხომ, იქ ჯვარი არ უნდა დაიდგას, იმიტომ რომ უმცირესობაში არიან ქართველები და სადაც ქართველები უმრავლესობაში ვართ, აქ პრაიდები უნდა ჩატარდეს, ხომ?! ეს სამირა ბაირამოვა არის ლგბტ ფემინისტების ლობისტი და ერთ-ერთი აქტივისტი.“

ვაჟა ოთარაშვილი, პატრიოტთა ალიანსი: „ჩვენ გარშემო არ ვიყურებით როგორ მიმდინარეობს პროცესები ჩვენს მეზობელ სახელმწიფოებში, მაჰმადიანურ სახელმწიფოებზეა ლაპარაკი, ის, რომ ილჰამ ალიევმა ჯერ კიდევ 10 წლის წინ სავალდებულო გახადა ყურანის სწავლება და აზერბაიჯანის სწავლება მთელს აზერბაიჯანში, ის, რომ თურქულენოვანმა სამყარომ ამას წინათ რომ ჰქონდათ ყაზახეთში შეკრება საერთოდ თურქულენოვანი ლიტერატურული ენის შესახებ მიიღო დადგენილება და მაჰმადიანობის მხარდაჭერის შესახებ, ჩვენ სახელმწიფო პოლიტიკის დონეზე არ ავიყვანეთ ჩვენი ეროვნული იდეოლოგია, ქრისტიანობა, რომლითაც გადარჩა დღეს რომ ეძახიან ერის იდენტობა. იდენტობა, ანუ იგივე ერის თვითმყოფადობა“. 

ნიკოლოზ მჟავანაძე,  სეზონი ტვ-ს წამყვანი: „საქართველოს ისტორია დღეს რომ კარგად იცოდეს თითოეულმა ჩვენთაგანმა, იმას კი არ დაიწყებს, რომ აქ რუსეთი არ გვინდა, პირიქით ერთადერთი ქრისტიანული ქვეყანა, რომელიც არის, რომ  შეიძლება შენ დაგიცვას აი, ამ მუსლიმანური სამყაროს შემოსევებისგან ეს არის, ამიტომ უნდა მონახო საერთო ენა.“

გენდერული ნიშნით დისკრიმინაციული განცხადებების ერთი ნაწილი, ისევე როგორც ოქტომბრის თვეში, სახალხო დამცველის კანდიდატის შერჩევის პროცესთან დაკავშირებით, ანა აბაშიძის წინააღმდეგ იყო მიმართული. განცხადებათა მეორე ნაწილი კი ოჯახური ძალადობის შესახებ კანონს აკრიტიკებდა და ამრვიდრებდა აზრს, რომ არსებული კანონმდებლობით მამაკაცები უმიზეზოდ ხვდებიან სამართლებრივი დევნის მსხვერპლი.

გენდერული სტერეოტიპებით გაკიცხვა/ მორალური კრიტერიუმებით თავდასხმა 

შოთა მარტინენკო, კონსერვატიული მოძრაობა: „ვინ არის მაგალითად ანა აბაშიძე? აი, ვინ არის? გახსენდებათ?... ანუ ის ვიღაცა ტრანსგენდერი ქალი, თუ კაცი, სახალხო დამცველობის კანდიდატია. ეხლა ფოტოზე რომ აჩვენო, კი გაიხსენებ რომ ვიღაცა ფრიკია, რომელსაც ხშირად, ნერვებს გიშლის, ტელევიზორში აჩვენებენ.“

ოჯახური ძალადობის შესახებ კანონონის გამო მამაკაცები უმიზეზოდ ხვდებიან სამართლებრივი დევნის მსხვერპლის 

ლევან ჩაჩუა, ქართული იდეა: "ციხეები სავსეა ოჯახური ძალადობის მუხლით დაკავებული მამაკაცებით. ცოლები ერთ დაყვირებაზე რეკავენ პატრულში და აჭერინებენ ქმრებს, მერე ნანობენ, მაგრამ გვიანია. საქართველოს ეკლესია და ქართული ოჯახი არის ის, რაზეც დგას ჩვენი ქვეყანა, რაც გვინარჩუნებს იდენტობას. იმ ქვეყნისა და ხალხის მართვა ძნელია, რომლიც ეკლესია და ოჯახი ძლიერია, ამიტომ მიზანმიმართულად ცდილობენ ეკლესიის მოსპობას, დაკნინებას, განადგურებას". 

გიორგი ქარდავა, კონსერვატიული მოძრაობა: „ისეთი კანონმდებლობა და ისეთი სასამართლო პრაქტიკა დაამკვიდრეს, სადაც ელემენტარულ ხმის აწევაზე, ან მეზობლის ჩივილის საფუძველზე მამაკაცი შეიძლება აღმოჩნდეს ამ ფემინისტური მონსტრის წინაშე და სასამართლო, საზოგადოება, პოლიტიკა, მედია იქნება კაცის წინააღმდეგ იმიტომ, რომ ის უბრალოდ კაცია. თან ეგ კაცი გეი რომ იყოს, სხვანაირად იქნება საქმე. თუ ჰეტეროსექსუალი ხარ და არა ხარ რომელიღაც „ქომიუნითის“ წარმომადგენელი, უბრალოდ ნორმალური კაცი რომ ხარ, სისტემა შენს წინააღმდეგ მოქმედებს...“

ნიკოლოზ მჟავანაძე,  სეზონი ტვ-ს წამყვანი: “ყოველთვის ხდებოდა საქართველოში, რომ ზოგჯერ კაცი კლავდა ქალს, ზოგჯერ ქალი კლავდა კაცს, რაღაცა სტატისტიკაც იყო ამისი, მაგრამ დღეს გამადიდებელი შუშით შუქდება მხოლოდ ეს ყველაფერი და წარმოჩინდება თითქოს, რომ მოიმატა რაღაცამ. თუ სტატისტიკა არის გაზრდილი, იმიტომ არის გაზრდილი, რომ ნებისმიერი უთანხმოება, ოჯახში შელაპარაკებაც კი მთავრდება ბოლოს, რომ იქ კაცს აპატიმრებენ, იმიტომ, რომ რგოლები ტრიალებს კარგად მოგეხსენებათ დღეს მედიასივრცეში, რომ თუ რაღაცა ხმხმაღალი გითხრა კაცმა ან რაღაცა უთანხმოება მოგივიდა, დარეკე ჩვენთან და ჩვენ მივხედავთ საქმეს.”

ანტიდასავლური გზავნილები ცხრამუხის დედათა მონასტერში ყაჩაღობისა და მონაზვნის გაუპატიურების ფაქტს საქართველოში დასავლეთის თავხსმოხვეულ ლიბერალიზმს უკავშირდებოდა, ასევე 2021 წლის 5 ივლისს, თბილისი პრაიდის წინააღმდეგ სიძულვილით მოტივირებულ დანაშაულზე დაპატიმრებულ პირებს, რომელთაც  ქართველობის და ზნეობის დამცველებად და დასავლეთის მძევლებად წარმოაჩენდნენ.

ცხრამუხის დედათა მონასტერში მონაზვნებზე თავდასხმა ლიბერალური პოლიტიკის მიერ, ეკლესიის წინააღმდეგ ბრძოლის შედეგია 

ჯაბა ხუბუა, ასავალ-დასავალის ჟურნალისტი: „საუბედუროდ ამ უბილწესმა ლიბერასტულმა პროპაგანდამ, რომლის მთავარ იარაღსაც ე.წ. დამოუკიდებელი, ე.წ კრიტიკული და ე.წ. პროდასავლური მედიასაშუალებები წარმოადგენენ, თავის მიზანს - ქართული მართლმადიდებელი ეკლესიისა და მისი მსახურების დემონიზაციას - დიდწილად, მიაღწია კიდეც!... 2022 წლის 26 ნოემბერს ცხრამუხის დედათა მონასტერში 70 წლის მონაზვნის წამება და გაუპატიურება იმის მკაფიო ნიშანია, რომ საქართველოში ახალი ბახტრიონის აჯანყების დრო დადგა! ახალი ბახტრიონის აჯანყება უნდა მოხდეს ახალი ჯურის ყიზილბაშთა წინააღმდეგ, რომლებსაც დღეს ლიბერასტები ეწოდებათ!"

 ასავალ-დასავალი, 28 ნოემბერი - 4 დეკემბერი 

ზაზა დავითაია,  ასავალ-დასავალის ჟურნალისტი: "ორიოდე დღის წინათ სოფელ ცხრამუხაში საზარელი ამბავი მოხდა, რამაც წესით, მიძინებული ქართველი ერი უნდა გამოაღვიძოს და მისი ნამდვილი მტრის - ლიბერასტული ფაშიზმის წინააღმდეგ გადამწყვეტი ბრძოლისთვის დარაზმოს!... დასავლეთის რეაქციულმა, ლიბერასტულ-ფაშისტურმა ბნელმა ძალებმა, ლიბერალიზმის მყრალი სენი ნელ-ნელა შემოაპარეს მთელ მსოფლიოში და, მათ შორის, საქართველოშიც... 3 ათწლეულის განმავლობაში ქართული ტრადიციების, ქრისტიანული ცხოვრების წესის, ოჯახის ინსტიტუტის ნგრევა ნაბიჯ-ნაბიჯ განახორციელეს“

ასავალ-დასავალი, 28 ნოემბერი - 4 დეკემბერი

ვაჟა ოთარაშვილი, პატრიოტთა ალიანსი: „[ცხრამუხის დედათა მონასტერში მომხდარზე საუბრობენ] ეს შედეგია პირდაპირ გიპასუხებთ იმ 30 წლოვანი ანტიქართული, ანტი ქრისტიანული პოლიტიკისა, მას ეროვნულ პოლიტიკას ვერ ვუწოდებ, ეს ანტიეროვნული პოლიტიკისა, რომელიც ებრძვის ქართულ ეკლესიას, ქართულ ცნობიერება, ყოველივე ქართულს, ეროვნულს, მართლმადიდებლობას. ეს არის იმ პოლიტიკის შედეგი, რომელმაც სკოლებიდან მართლმადიდებლური რელიგიის ისტორიის სწავლება განდევნა, განდევნა სამღვდელოება სკოლიდან და თქვა, რომ სკოლა აპოლიტიკურია, თითქოს ეხლა სასულიერო პირებს რამე პოლიტიკური დოქტრინები შეჰქონდათ სკოლაში... გავიძახით, რომ მივდივართ დასავლეთისკენ და გვავიწყდება, რომ ჩენ დასავლეთთან, ანუ ევროპასთან ჩვენი ქრისტიანული კულტურული ღირებულებებით ვიყავით ახლოს და ვართ ახლოს და არა ლგბტეობით და ა.შ.“

თათია გაბრიჭიძე, ალტ-ინფოს წამყვანი: „[ცხრამუხის მონასტერში მომხდართან დაკავშირებით] საპატრიარქოსა და მრევლის პოზიცია მიუღებელი აღმოჩნდა და დაიგმო ლიბერალი მედასავლეთე პერო ნაწილის მხრიდან, რომლებიც არაპროგრესულად მოიაზრებენ მართლმადიდებლურ ეკლესიას, წინსვლასა და განვითარებას კი ევანგელისტურ-ბაპტისტურ სექტასა და მამაო რუსუდანში ხედავენ. შემაშფოთებელი, დასაგმობი და საერთოდ პოლიტიკური ცხოვრებიდან საერთოდ გასაქრობია ხათუნა სამნიძე, რომელსაც აქვს ამბიცია, რომ პარლამენტში ხალხის ხმის გამჟღერებელია. მოვისმინოთ მისი კომენტარი საპატრიარქოზე“.

5 ივლისს სიძულვილით მოტივირებული დანაშაულზე ბრალდებულები დასავლეთის მძევლები არიან 

დასავლეთი თავს გვახვევს ჰომოსექსუალობასა და გარყვნილებას 

ნიკოლოზ მჟავანაძე, სეზონი ტვ-ს წამყვანი: “გამოდის ვიღაცა ამ თამარ კინწურაშვილის დასავლური ფონდიდან, აშშ-ის მიერ დაფინანსებული უწყებიდან და გვადებს ჩვენ გარკვეულ ბლოკებს და რატომ? იმიტომ რომ ჩვენ სოდომიას ვამხელთ. მერე იმიტომ ვიძახით, რომ დღეს აშშ-დან მოდის ყოველგვარი გარხწნილება, ყველაფერი უბედურება, იმიტომ, რომ მე თუ დავუპირისპირდი სოდომიას, ამის გამო ვინმემ უნდა ჩაახშოს ჩემი სიტყვა და ამას უპირისპირდება დღეს რუსეთში ბევრი და ამიტომაც მიიღეს მათ ლგბტ პროპაგანდის წინააღმდეგ კანონი, რომელიც ამუშავდა უკვე და მე ვინატრებდი, რომ ასეთი კანონი ღვთისმშობლის წილხვედრ ქვეყანაშიც მიეღოთ.”

ვაჟა ოთარაშვილი, პატრიოტთა ალიანსი: “[დასავლეთს] ეხლა გათვლა აქვთ მასაზე, რომ იცი რა ელგებეტეობა, სოდომისტობა, შენი სხეულის, უკანალის აშვერა არის ცივილიზაცია, ეს არის ევროპული, დასავლური ცივილიზაციისკენ სვლა. ეს არ არის, ბატონებო, ასე. მე მინდა გითხრათ, რომ მსოფლიო პოლიტელიტა არის კრიზისში ელგებეტეობის განხრით, ყველა სფეროში ასეთი ელგებეტე სოდომისტები არიან.”

მონიტორინგის მეთოდოლოგია ხელმისაწვდომია “არა ფობიას!” ვებ-გვერდზე: http://www.notophobia.ge