ქსენოფობიური გზავნილები, საქართველოში მცხოვრებ სხვადასხვა ქვეყნის წარმომადგელებს, ისევე როგორც საქართველოს მოქალაქე ეთნიკურ უმცირესობებს, დემოგრაფიული, ეკონომიკური, პოლიტიკური და ტერიტორიული მთლიანობის საფრთხის კონტექსტში განიხილავდა, ამასთან მიგრაციის კონტექტში, რუსეთის და ეთნიკურად ოსი მოქლაქეების უპირატესობას ესმებოდა ხაზი.

გიორგი ქარდავა, კონსერვატიული მოძრაობა: „არ შეიძლება ეთნიკური ბალანსის შეცვლა, მით უმეტეს ისეთი კულტურული ნაწილაკებით, რომელიც ძალიან შორს არის ჩვენგან. მე ეხლა ინდოელთან პრობლემა არა მაქვს, მაგრამ ეხლა კომპაქტურად დასახლებული ინდოელების სოფელი ერთია და კომპაქტურად დასახლებული, მაგალითად ოსების და რუსების სოფელი საერთოდ სხვა რაღაცაა. ნუ ოსები გენეტუკურადც ახლოს არიან ჩვენთან, მაგრამ რუსები და ოსები მაგალთად, არიან რელიგიურად ერთნი, შესაბამისად კულტურული სიახლოვე მეტი გვაქვს და ამის შედეგად ჩვენი კონფლიქტის შესაძლებლობა მკვეთრად მცირდება, ვიდრე ისეთი უცხო ელემენტები, რომ გაჩნდეს ჩვენს ქვეყანაში, რომელიც შენს სოციუმს ინტეგრირებას აღარ ექვემდებარება.“

ნიკოლოზ მჟავანაძე, წამყვანი: „ეხლა ეს სურათები იყო გამოფენილი, რომ აიო აზერბაიჯანელებიო [საქართველოში] რა პირობებში არიანო, ბაღები არ არისო კარგ მდგომარეობაშიო, სკოლები არ არის კარგ მდგომარეობაშიო... აზერბაიჯენელები მიიერთებენ ამ ქვემო ქართლს, ჯავახეთს - სომხები, თურქები მიიერთებენ ამ აჭარას, გურიას, ჯავახეთს, დაიშლება ეს ქვეყანა... მართლა ჰერეთში ქართველებს არაფერი უფლებები აქვს... ეხლა წარმოგიდგენიათ ჰერეთში ვინმე რომ ესე გამოვიდეს და სურათები გაფინოს, აქო ქართველებიო... ხომ გააციმბირებენ იქიდან...“

ხდებოდა ისტორიული ტრამვების გაღვივება ძირითადად თურქეთის, გარკვეულ შემთხვევებში, აზერბაიჯანთან მიმართებით, რაც რუსეთის მიმდინარე ოკუპაციასთან იყო გათანაბრებული. ამავე დროს მკვიდრდებოდა აზრი, რომ საქართველოში “თურქეთის საფრთხის” შეკავება მხოლოდ რუსეთს შეეძლო.

ილია ჩაჩიბაია, ტვ “ობიექტივის” წამყვანი:  არ შეიძლება, შენ თუ ნამდვილად პატრიოტი ხარ, არ გაწუხებდეს დავით გარეჯი, რომელიც აზერბაიჯანის მიერ არის დროებით წართმეული და გაწუხებდეს მხოლოდ რუსეთის ოკუპაცია. არ გაწუხებდეს თურქეთის  მიერ წართმეული ნახევარი საქართველოს სიდიდის ტერიტორია და გაწუხებდეს მხოლოდ რუსეთის მიერ წართმეული მიწები. არ შეიძლება არ გაწუხებდეს კასპის მუნიციპალიტეტში არაბებმა რომ მთელი რაიონი შეისყიდეს, ეს ნორმალურად მიგაჩნდეს და გაწუხებდეს რუსეთის მიერ წართმეული მიწები”.

ვაჟა ოთარაშვილი, პატრიოტთა ალიანსი:  “თურქეთს  რა ტერიტორიული პრეტენზიები აქვს რუსეთთან მიმართებაში? ეს არის ორი მონაკვეთი - ყირიმი და საქართველო - აჭარა, გურია და სამცხე-ჯავახეთი. მათთვის ყველაზე ახლო და სტრატეგიულად მოსახერხებელია აჭარა. ფაქტიურად, აჭარა დაპყრობილი აქვს თურქეთს - ეკონომიკური ექსპანსია ყველას თვალწინ დევს. გაიარეთ ბათუმის ქუჩებში და ამ სიმართლეს ნახავთ და ჩვენ დავდევთ, რუსმა ტურისტმა არ გაიაროს და ის. თურქეთმა წაიღი ფაქტიურად ბათუმი. რუსეთის დაცემა ნიშნავს საქართველოს ისტორიული მტრები, ირანი თუ თურქეთი, თავს წამოყოფენ”. 

სპირიდონ ცქიფურიშვილი, სასულიერო პირი: „იმ შემთხვევაში, თუ თურქეთი დაინახავს, რომ რუსული გავლენები შემცირდა საქართველოში, 24 საათი არ გავა, რომ ის ბათუმს დაიკავებს ჯარებით, არა ვთქვათ მარტო თურქი მოსახლეობით, არამედ ჯარით. თურქული ჯარით, ისევე როგორც ეს გააკეთა 1921 წელს. პირველ მსოფლიო ომში დამარცხებული იყო თურქეთი, მაგრამ მიუხედავად ამისა, დაინახა რა, რომ რუსეთი იყო უკვე დაშლილი, ჩათვალა ყოველ შემთხვევისთვის, მან ჯარები შემოიყვანა ბათუმში.“

ნიკოლოზ მჟავანაძე, სეზონი ტვ-ის წამყვანი: “რო დაიწყო საუბარი იმაზე, რომ თუ ტერიტორიულ მთლიანობას აღადგენს რუსეთი, ჩვენ მზად ვართ ბაზები დავუთმოთო. აი როგორ შეიძლება ბაზები აჭარაში იყოს, მე შენ გეტყვი ახლა, ნეტავ მართლა დადგეს იმ აჭარაში, თურქული ისლამიზაცია შეჩერდება.”

ანტიდასავლური გზავნილები მეტწილად იდენტობის თემას უკავშირდებოდა და ამკვიდრებდა აზრს, რომ დასავლეთი ქართულ ტრადიციულ იდენტობას ებრძოდა და ჰომოსექსულობას თავს გვახვევდა. ამასთანავე მართლმადიდებელ მშობელთა კავშირის წევრი (მმკ) დავით ისაკაძე პროცესებს ამერიკის მართულად წარმოაჩენდა და უკრაინაში მიმდინარე ომსაც ამ დაპირისპირების გამოხატულებად განიხილავდა.

დავით ისაკაძე, დეკანოზი, მმკ-ს წევრი: „ჰეროდეს საქციელი არის პირობითი სახე ყველა იმ უსჯულოებისა და უზნეობისა, რასაც დღევანდელი მსოფლიო გვთავაზობს - თუ როგორ ცდილობენ, მამათმავლობა და დედათმავლობა თავისუფალი ნების გამოვლინებად გაასაღონ! ბუნებრივია, ამ უზნეობის ნებისმიერი მამხილებელი იყოს დევნილი. აკი, მართლმადიდებელი ეკლესია მათი სამიზნეა! უკვე ნიღაბი ჩამოიხსნა იმ საზოგადოებამ, რომელიც ლგბტ ფერადი დროშით მოიწევს რუსების, ქართველებისა და სხვათა დასაპყრობად, ვინც ამ უზნეობას ეწინააღმდეგება!... ჩვენი ერებისთვის ამ ადამიანებზე მეტად მათი ლობისტები არიან სახიფათო, რადგან გეგმაზომიერად ცდილობენ ტრადიციულ ერებში ზნეობრივი ცხოვრების წესის გარყვნილებით ჩანაცვლებას. უპირველესად, ამერიკის შეერთებულ შტატებს ვგულისხმობ, საიდანც, ფაქტობრივად, ევროპა და მთელი მსოფლიო იმართება. უკრაინაში მიმდინარე ომი ამ დაპირისპირების მკვეთრი გამოვლინებაა."

მედიის განვითარების ფონდმა, პროექტის “მათი სახე - მათი უფლებები - ეთიკური მედია კავკასიაში” ფარგლებში, „ქალები საერთო მომავლისთვის – საქართველოს”-თან თანამშრომლობით ქართულ მედია და ონლაინ სივრცეში, გენდერული ნიშნით დისკრიმინაციისა და სტერეოტიპების მონიტორინგი დაიწყო. 

მონიტორინგის ფარგლებში, გამოიკვეთა პერსონალური თავდასხმების სამიზნე  პოლიტიკოსი ქალები, მათ შორის ამერიკის შეერთებული შტატების ელჩი საქართველოში, კელი დეგნანი, სხვადასხვა ოპოზიციური პოლიტიკური პარტიების წარმომადგენლები, ხატია დეკანოიძე, ელენე ხოშტარია, თაკო ჩარჯვიანი, სალომე სამადაშვილი, ასევე  სახალხო დამცველი ნინო ლომჯარია.  

გარდა პერსონალური თავდასხმებისა, გენდერული ნიშნით დისკრიმინაციული გამოხატვები, იდეოლოგიის კრიტიკასთან ერთად, ძალადობის მსხვერპლი ქალების წინააღმდეგ გაკეთებულ განცხადებებს, ეიჯიზმს და გენდერული სტერეოტიპებით გაკიცხვას აერთიანებდა.

რამაზ გაგნიძე, ქართული მისია: „რომ იძახის ქალბატონი თუ რაღაცა გაურკვეველი წარმოშობის დედაკაცი, ამერიკის ელჩი - კელი დეგნანი, რომ კონკრეტულად 6 მილიარდი აქვს ქვეყანაზე მიცემული, იქ კარგად ვიცით, რომ 6 მილიარდი არ არის მიცემული და ეს ახსნა იმ ოთხეულმა, იმ ხალის ძალამ, პარტიამ, რომელიც ოცნებას გამოეყო.“

ოჯახური ძალადობის საქმეზე მიმდინარე სასამართლო დავასთან დაკავშირებით, რომელიც საქართველოს ყოფილ ჩოგანს ნიკოლოზ ბასილაშვილსა და მის ყოფილ მეუღლე ნელი დოროყაშვიულს შორის მიმდინარეობდა, ქალის დადანაშაულება ხდებოდა.