საქართველოში უკრაინელების ექსპანსია უომრად ხდება 

ლევან გაბაშვილი, “საქართველო და მსოფლიოს” ჟურნალისტი: "ამას წინათ ოფიციალური სტატისტიკა გამოქვეყნდა, რომლის მიხედვით საქართველოში რუსეთის 12 ათასმა მოქალაქემ დაახლოებით 15 ათასი ობიექტი (მიწა, ბინა) შეიძინა და ატყდა ხმაური, – ხედავთ, უომრად გვიპყრობენო, მაგრამ არ გამოქვეყნებულა, რა ოდენობის ქონება შეიძინეს უკრაინის მოქალაქეებმა და გვერწმუნეთ, მათი რაოდენობა გაცილებით მეტია და უკრაინელები განსაკუთრებით ზღვისპირეთს ეტანებიან, არამხოლოდ სახლებს, არამედ სასტუმროებსაც კი ყიდულობენ და სამომავლოდ ბიზნესის წარმოებას გეგმავენ. ანუ, უკრაინა არ გვიპყრობს უომრად? აბა, რა გითხრათ? ომითა და რევოლუციით, ხელისუფლების ცვლილებითა და ნაციონალების დაბრუნებით სწორედ უკრაინიდან გვემუქრებიან. ჰოდა, საინტერესოა, ევაკუაციაზე რომ მიდგება საქმე, კასიანოვი იმ ადამიანებსაც აიყვანს „ნოე-ზელენსკის თვითმფრინავში“, რომლებსაც  აქ უკვე ასი ათასი აქვს დაბანდებული, თუ მხოლოდ მათ, ვისაც სამშობლოში უფასოდ დაბრუნების სურვილი ექნება?!" 

საქართველოში უკრაინელი დევნილებისა და რუსეთის მოქალაქეებს შორის ურთიერთობების დაძაბვას უკრაინის ელჩი და დასავლეთი ხელოვნურად ცდილობს 

ლევან გაბაშვილი, “საქართველო და მსოფლიოს” ჟურნალისტი: "მერე რა, რომ იგივე რუსი თუ უკრაინელი მოქალაქეები, თბილისის არაერთ უბანში არათუ ერთ კორპუსში, ერთ სართულზეც კი ცხოვრობენ და გადასარევი ურთიერთობა აქვთ... ეს ყველაფერი დასავლეთმაც იცის და კასიანოვმაც, მაგრამ ტელეეთერში სხვა რამეზე  უნდა ისაუბრონ, რადგან მოჩვენებითი დაძაბული ფონი შექმნან, რადგან ხალხი დაზაფრონ და ეგებ ისე მოხდეს, რომ ვიღაცას ნერვებმა უმტყუნოს, ვიღაცას მოეჩვენოს, რომ ნაცნობმა თუ მეზობელმა რუსმა ცუდად შეხედა, რომ სხვა ქვეყანაში ორი ქვეყნის მოქალაქეების თანაცხოვრება წარმოუდგენელია…" 

დასავლეთი მიგრაციასთან მიმართებით საკუთარი ლიბერალური პოლიტიკის  მსხვერპლია

შოთა მარტინენკო, კონსერვატიული მოძრაობა: „ვინც ვერ მიხვდა… [გერმანიაში] ჩამოსული მიგრანტები აფრიკიდან, არაბეთიდან, სხვა ქვეყნებიდან  ფანჯრებში ესროდნენ ხალხს ფეერვრკებს, ესროდნენ სასწრაფო დახმარების ოფისებს და გამვლელებს ესროდნენ ცეცხლსასროლი იარაღებით ჰაერში ისროდნენ...ასეთი ქვეყანა, თუნდაც ფინანსურად წარმატებული გვინდა? აი, მიგრანტები, რო ჩამოსულები ასე იქცეოდნენ?... ჰაერში აგრესიულად ისვრიან, ქუჩაში, რომ გახვალ ოჯახთან ერთად შეურაცხყოფას მოგაყენებენ, შენს ქვეყანაში ხარ, რაღაც დაჩმორებული, დაჩაგრული საწყალი, შეურაცხყოფილ მდგომარეობაში, ოღონდ ფული გაქვს, ეგ გვინდა?... “

საქართველოს ყველა მეზობელი  ქართული ტერიტორიების  მისაკუთრებას ცდილობს

ნიკოლოზ მჟავანაძე, სეზონი ტვ-ს წამყვანი: „ეხლა ვიღაცას წარმოუდგენია, რომ რუსეთთან გვაქვს ჩვენ პრობლმები, ჩვენ ყველასთან პრობლემები გვაქვს, როდესაც საზღვარის დემარკაცია არ მომხდარა სომხეთთან და აზერბაიჯანთან, ტვინგაყიდულო ქართველებო, რომლებიცა ხართ, აი, იმ პარლამენტში... ე.ი. თქვენ ვერ ფიქრობთ იმას, რომ სომხეთთან და აზერბაიჯანთან იმიტომ არა გვაქვს საზღვრები დემარკირებული, რომ ამათ პრეტენზიები აქვთ ჩვენს წინააღმდეგ...“

გია გვაზავა, აფხაზეთის ავტონომიური რესპუბლიკის უმაღლესი საბჭოს ყოფილი თავმჯდომარე: „ ყველა მეზობელს ქართული მიწა აქვთ მითვისებული. ყველას...."

თურქოფობიური გზავნილები ამკვიდრება აზრს, რომ თურქეთი საქართველოში ეკონომიკურ ექსპანსიას ახორციელებს, ამასთან ქართული ტერიტორიების მიტაცება სურს და მისი შეკავება მხოლოდ რუსეთს შეუძლია 

თურქეთი აჭარაში ეკონომიკურ ექსპანსიას ახორციელებს 

თურქეთს ქართული  მიწების მიტაცება სურს/ თურქეთის შეკავება მხოლოდ რუსეთს შეუძლია 

მამუკა კარტოზია, პატრიოტთა ალიანსი: „არ არის გამორიცხული, რომ თვალი დახუჭოს რუსეთმა და თურქეთი დავუშვათ, გარკვეულწილად საქართველოს ტერიტორიაზეც შემოუშვას. ჩვენ არანაირი დაცვის მექანიზმი არა გვაქვს. თურქეთი არასოდეს არ იქნება ჩვენი მოკავშირე და ჩვენი მეგობარი, ეს გამორიცხულია! ეს არ ხდება მიუხედავად იმისა, რომ თურქეთი დავუშვათ, ნატოს წევრია და იძახიან, რომ აი, ნატოს წევრია…  ყველაზე მნიშვნელოვანი და ყველაზე მთავარი და ყველაზე საშიში და სახიფათო რა არის, იცით? დიდი თურანის მოძრაობა დაიწყო, პანთურქიზმი იწყება, თურქულენოვან მოსახლეობასთან დაკავშირებით გაერთიანება მიდის... ურთიერთობა აქვთ იცით და ამას ოფიციალურად აცხადებენ, აცხადებს თვითონ ერდოღანიც, აცხადებს ჩაუშოღლუც, აცხადებს თავდაცვის მინისტრიც“.

გიორგი ქარდავა, კონსერვატიული მოძრაობა: „რუსეთის და ჩვენი მტრობა არის ხელოვნური მტრობა... ქრისტიანული საქართველოს არსებობა, რომელიც ყოველთვის ბუფერის როლს ასრულებდა ისტორიულად რუსეთს აწყობს. ასევე, დაუშვათ რუსეთი გაქრა, თქვენ რა გგონიათ ჩრდილოეთ კავკასია, თურქეთი, აზერბაიჯანი, ირანი სადმე მიდის?... მოგვიწევს ახალ რეალობაში გადარჩენის გზების პოვნა, რაც მერწმუნეთ, ძალიან რთული იქნება იმიტომ, რომ ბუნებრივი დამაბალანსებელი ძალა გაქრება, რომელიც აბალანსებს ჩვენს რეგიონში სხვადასხვა არც თუ ისე დემოკრატიულ პროცესებს, განსაკუთრებით თურქეთის მხრიდან, რომელიც არც მალავს, რომ მას იმპერიალისტური, ზესახელმწიფოებრივი პოზიციების დაბრუნება სურს... .“

ბესო ბარბაქაძე, “საქართველო და მსოფლიოს” ჟურნალისტი: "თურქეთი მეგობარია (თანაც ისტორიული) და რუსეთი მტერი (ისიც ისტორიული). ისე, გეორგიევსკის ტრაქტატის შემდეგ მოხდა თურქებისგან მესხეთის შემოერთება და ისტორიულ ფუძეს, საქართველოს,  ეს მხარე სწორედ რუსეთის დახმარებით დაუბრუნდა". 

ისლამოფობიური განცხადებების ნაწილი უკრაინის ომთან იყო დაკავშირებული. ომში რუსეთის დამარცხება, საქართველოში ისლამის და ისლამური ქვეყნების გავლენების გაძლიერების საფრთხის კონტექტში განიხილებოდა. რიგ შემთხვევებში დასავლეთში მიგრაციის პროცესის გამო,  ისლამური გავლენების გაძლიერებასაც  ესმებოდა ხაზი. 

საქართველოს ისლამიზაციისგან  დაცვა მხოლოდ რუსეთს შეუძლია 

რუსლან კვარაცხელია, მოქალაქე: "საერთოდ, ვიღაცეებს ჰგონიათ, რუსმა თუ უკრაინაში ომი წააგო, ქართველები ბედნიერები ვიქნებით! ბედნიერება კი არა, მაშინვე საქართველო ოსმალეთის ვილაიეთად გადაიქცევა!“ - “ასავალ-დასავალი”, 16 – 22 იანავარი

შოთა აფციაური, ევრაზიის ინსტიტუტი: „მხოლოდ უგნურს შეიძლება ეგონოს, რომ რუსეთის დამარცხების შემთხვევაში საქართველოსთვის პოზიტიური პერსპექტივები გამოიკვეთება! ჯერ ერთი, რუსეთი ისე არ ჩამოიშლება, რომ საქართველოზე კონტროლი სამუდამოდ დაკარგოს; ასეც რომ მოხდეს, საქართველო უმწეო მდგომარეობაში აღმოჩნდება მის მიმართ აგრესიულად განწყობილი ისლამური ქვეყნების გარემოცვაში, რომლებიც ჩვენს ქვეყანას დაგლეჯენ და დაინაწილებენ! საბედნიეროდ, გამორიცხულია ამ ომში რუსეთის დამარცხება!" - “ასავალ-დასავალი”, 23 – 29 იანვარი

დასავლეთის ისლამიზაციის პროცესია დაწყებული

ირაკლი მარტინენკო, კონსერვატიული მოძრაობა: „ასე თუ გააგრძელა დასავლეთმა, დასავლეთი აღარ იარსებებს, შეჭამენ თავიდან ბოლომდე და ჩვეულებრივ იქ იქნება რაღაც მუსულმანური დასავლეთი...“

რელიგიური ნიშნით დისკრიმინაციის სხვა განცხადებები, კათოლიკური ეკლესიის წინააღმდეგ იყო მიმართული, ამასთან დემოგრაფიული სურათის ცვლილების ფონზე, სხვადასხვა რელიგიების მიერ, მართლმადიდებლობაზე ზეწოლისა და მისი გაქრობის საფრთხეზე უსვამდა ხაზს.

მართლმადიდებლები, როგორც  დომინანტური რელიგიური  ჯგუფი, საფრთხის ქვეშაა

მერაბ რატიშვილი, მწერალი: „განა ვერ ვხედავთ ჩვენ, რომ 30 წელიწადში საქართველოს მოსახლეობა გამუქდება და გაშავდება?! ვერ ვხედავთ?! ვერ ვხედავთ იმას და ვერ ვგრძნობთ, რომ ჩვენზე ისეთი ზეწოლაა, რომ კათოლიციზმი და ისლამური ძალები პრაქტიკულად ერთპიროვნულ მართლმადიდებლურ ჩვენ ეკლესიას?! ანუ, ჩვენი, მოსახლეობის რაოდენობა შემცირდება როგორც მართლმადიდებლების“. 

კათოლიკური ეკლესიიის წინააღმდეგ 

იაკობ მესტვირიშვილი, სასულიერო პირი: „გექნებათ ალბათ ესეთი ვიდეო არის, კათოლიკურ ეკლესიაში ხდება არგენტინაში, სადაც მორწმუნეები დგებიან, მორწმუნეებს ვერ დავარქმევ მე მაგათ, მაგრამ დგანან ტაძრის გარშემო და ეს ასე რომ ვთქვათ, სხვადასხვა კონფესიის წარმომადგენლებია თუ სხვადასხვა ორიენტაციის ადამიანები, აფურთხებენ პირდაპირი მნიშვნელობით. ეს არანაირი რწმენა არ არის, ეს არსად არ წერია..."

სექსისტური სიძულვილის ენა, გამოყენებული იყო უკრაინაში ქალი ჯარისკაცების წინააღმდეგ და ამკვიდრებდა აზრს, რომ ჯარში ქალთა მსახურება, მხოლოდ მამაკაცების ნაკლებობით შეიძლება იყოს განპირობებული. სექსისტურ გამონათქვამებში ასევე დაფიქსირდა ეიჯიზმისა და სლატშეიმინგის შემთხვევებიც.

 ჯარში ქალები მხოლოდ მამაკაცების ნაკლებობის გამო მსახურებენ  

ეიჯიზმი

მალხაზ თოფურია, პატრიოტთა ალიანსი: „დააბრუნონ ეს ერთ ლარად ნაშოვნი მილიარდები საქართველოს ბიუჯეტის ხარჯზე... რომელსაც დაეუფლა ეს მოხუცი დედაკაცი, ქალბატონი, ნუ რაც არის, გიული ალასანია.“

სლატშეიმინგი

სოსო შატბერაშვილი, მემარცხენე ალიანსი: „საქმე იმაშია, რომ ნაციონალური მოძრაობის“ აი, ეს ჯგუფი, მე არ ვამბობ, რომ მთლიანად რიგითი ამომრჩევლები და რიგითი მოსიყვარულე ქალები, აი, რომ დადიან და ტირიან და მღერიან და „რა დროშა მოგვცა მიშამა, წითელი, გრძელ ტარიანიო“ რომ მღერიან, მე მაგათ არ ვგულისხმობ. აი, ეს ჯგუფი დასპეციალიზირებულები არიან სამხედრო და სახელმწიფო გადატრიალებაში, მეტი არაფერი არ იციან“.  

ანტიდასავლური გზავნილები დასავლეთს გარყვნილების პროპაგანდაში სდებდა ბრალს, ამასთან რუსეთში არსებული  ლგბტქი პროპაგანდის ამრკრძალავი კანონის ქართულ პრაქტიკაში დანერგვის მიზანშეწონილობაზე ამახვილებდა ყურადღებას. 

ამერიკა გარყვინების პროპაგანდას ეწევა, მაშინ, როცა რუსეთი კანონით კრძალავს ლგბტ პროპაგნას 

ნიკოლოზ მჟავანაძე, ტვ სეზონის წამყვანი: “… დღეს ამერიკის შეერთებული შტატებიდან მოდის ყოველგგვარი გახრწნილება, ყველაფერი უბედურება, იმიტომ, რომ მე თუ დავუპირისპირდი სოდომიას, ამის გამო ვინმემ უნდა ჩაახშოს ჩემი სიტყვა და აი, ამას უპირისპირდება სხვათაშორის დღეს რუსეთში ბევრი და ამიტომაც მიიღეს მათ ლგბტ, აი, ამ გარკვეული პროპაგანდის წინააღმდეგ კანონი, რომელიც ამუშავდა უკვე. Მე ვინატრებდი, რომ  აი, ესეთი კანონიც ღთვისმშობლის წილხვედრ ქვეყანაშიც მიეღოთ, იმიტომ, რომ დღეს ჩვენ უნდა ვიყოთ ამის ავანგარდში ყველაზე მეტად, სხვა ქვეყნების კი არ უნდა გვშურდეს, რომ იმათმა ესეთი კანონი მიიღეს, არამედ ჩვენ უნდა გავაკეთოთ ეს.”

დასავლეთი თავს გვახვევს ჰომოსექსუალობას/ გარყვილების პროპაგანდას ეწევა 

ნიკოლოზ მჟავანაძე, ტვ სეზონის წამყვანი: „დასავლეთი გვეუბნება, რომ თქვენ, აი იმ 12 პუნქტიან გეგმაში არის ეს ყველაფერი, რომ გარყვნილების პროპაგანდა აწარმოეთო, გადაიღეთ სამთავრობო არხებმა გეებსა და ლესბოსელებზე ფილმებიო, რომ ე.ი. სექსუალურ უმცირესობებს მწვანე შუქი აუნთეთო, ეკლესია ლანძღეთო, თათხეთო, აი ამ დასავლეთისკენ უნდა წავიდეთ”...

გიორგი ქარდავა, კონსერვატიული მოძრაობა: “მთლად კარგი პოზიციები არ აქვთ ლიბერასტებს, გასაგებია რომ გაგიჟდნენ და მაგას შენც გტენიან, მთელი უბედურება მაგაშია. თავისთვის რომ ჰქონდეთ, იტყვი, რომ გერმანელები გაგიჟდნენ, მაგრამ მათი სუვერენული უფლებაა, რომ თუ უნდათ ტრანსგენდერი გამოიყვანონ კონკურსში, თუ უნდათ ძაღლებიც გამოიყვანონ, ცხენებიც და ყველაფერი, არ მაინტერესებს, მაგრამ ამას მე რომ მტენი და ჭეშმარიტებად მისაღებ, აქ მე უკვე მაქვს სრული უფლება, ამ ყველაფერს დავუპირისპირდე, იმიტომ რომ შენც მაიძულებ, რომ ამ სიცრუეში, ამ სუიცუდალურ, ამ სიგიჟეში ვიცხოვრო და გავანადგურო ჩემი სამშობლო და ჩემი ქვეყანა. აქ უკვე შეგეწინააღმდეგები.”

ვალერი კვარაცხელია, “საქართველო და მსოფლიოს” ჟურნალისტი: "მხოლოდ უთანასწორო საზოგადოებებში შეიძლებოდა წარმოშობილიყო ნაციზმი, მხოლოდ უთანასწორო საზოგადოებას შეეძლო შეექმნა ტერორიზმი. დასავლეთის პირმშოა ერთიც და მეორეც. დასავლეთი საკუთარ თავს ცივილიზებულ სამყაროს უწოდებს, მაგრამ იგი დღემდე არ ერიდება იმ ბარბაროსული იდეოლოგიის აღორძინებასა და კულტივაციას, რომელსაც ფაშიზმი ჰქვია. გარყვნილების პროპაგანდა, რომელსაც  ე.წ. ლგბტ მიმართულებით დასავლეთი აწარმოებს, წმინდა წყლის სატანიზმია, რადგან იგი ერთნაირად არის მიმართული, როგორც ღვთაებრივი, ასევე ადამიანური საწყისის წინააღმდეგ". 

მონიტორინგის მეთოდოლოგია ხელმისაწვდომია “არა ფობიას!” ვებ-გვერდზე: http://www.notophobia.ge